آواز دوست نشست و مشاعرہ

تحریر: مدثریوسف پاشا سماہنی

31 اگست بروز اتوار، البدر میرج ہال بھمبر میں “آوازِ دوست” کے زیرِ اہتمام ایک شاندار نشست و مشاعرہ منعقد ہوا۔ اس یادگار محفل کے میزبان معروف شاعر ڈاکٹر اعجاز کشمیری تھے جبکہ انتظامی امور کی ذمہ داری پروفیسر فیضان جرال، عمران احمد چودھری، نعیم احمد چودھری، زاہد عالم چودھری، شفیق الرحمان، ڈاکٹر طارق شاکر اور صفی اللہ بٹ نے نہایت خوش اسلوبی سے سرانجام دی۔

محفل کی صدارت معروف شاعر مصطفیٰ جاذب نے کی جبکہ صدرِ نشست کے فرائض ڈاکٹر محبوب کشمیری نے انجام دیے۔

محفل میں جن ممتاز شعرا نے اپنا کلام پیش کر کے محفل کو جِلا بخشی، ان میں نمایاں نام یہ ہیں:

پروفیسر فیضان جرال

مدثر یوسف پاشا

فیصل مضطر

شمس الحق شام

طاہر مجتبیٰ

ذوالکفل اویس

احمد آفاق

شہباز حبیب عباسی

عابد علی جنون

عامر صدیق نور

فیصل لقاب

علی شان

سام علی اعجاز

شعرا نے اپنے خوبصورت اشعار سے سامعین کو محظوظ کیا۔ کہیں جذبوں کی تپش دکھائی دی تو کہیں امید و حوصلے کے چراغ روشن ہوئے۔ سامعین ہر شعر پر دل کھول کر داد دیتے رہے اور محفل بارہا تالیوں اور تحسین کی گونج سے جگمگاتی رہی۔

ادبی، علمی، سماجی اور سیاسی شخصیات کی بھرپور شرکت نے اس تقریب کو ایک منفرد اور یادگار رنگ عطا کیا۔

محفل کے اختتام پر پرتکلف کھانے کا اہتمام کیا گیا جس نے شرکا کے ذائقے کو بھی خوشگوار یادوں سے بھر دیا۔

یہ نشست و مشاعرہ “آوازِ دوست” کی ایک اور کامیاب کاوش تھی، جو نہ صرف ادبی روایت کی مضبوطی کا ثبوت ہے بلکہ بھمبر کی علمی و ادبی فضا میں ایک خوشبو کی مانند شامل ہو گئی ہے۔

بہت مبارک باد